Association for Environment Preservation (ASEP) chuan vawiin May ni 20, 2025 Thawhlehni hian a thawh hnihna atan Ṭawi Wildlife Sanctuary chhehvel khua pathum Hualtu, Hmunṭha leh Khawbel khuate tlawhin hun an hmang a. ASEP aṭang hian Vice President Pu Hmingthansanga leh hruaitu ṭhenkhat an kal a. Khaw tinah khawtlang hruaitu Village Council leh YMA hruaitu awm remchangte nen inkawm hona hun an hmang a ni.
Ṭawi Wildlife Sanctuary hi Mizoram laili taka awm a ni a, Mizoram tan hmun pawimawh tak a nih avangin ASEP chuan humhalh beihpuithlakna hi a kalpui a. Khaw tinah chhung tintr hnena ngenna lehkha sem a ni. Khawtlang hruaitute pawhin ramngaw leh nungcha humhalhna kawngah theihtawp chhuah an tum thu ASEP hruaitute hi an lo hrilh ve bawk a ni.
