MNF Θhalaite chuan thuchhuah siamin, “ZMC-in hma a sawn chhoh zel nana sorkarin theihtawp a chhuah zel chu lawmawm kan ti hle a, tunah hian ZMC-ah Faculty leh Resident-ah mi 146 awmin heng zingah hian Professor -11, Associate Professor – 21 leh Assistant Professor – 38 an awm mek a. Tunah hian lak tawh sa zawm mai tur Professor -1 awmin Professor – 6 leh Associate Professor – 6 lakna tur Advertisement chhuah a ni mek bawk a ni. ZMC-a Faculty Recruitement hi ZMC bye-law in a sawi angin, Chief Secretary Chairman-na hnuaiah subject expert-te member niin MCI /NMC duh dan angin felfai takin lak a ni Θhin.
“Tin, National Medical Comision (NMC) in ni 17.08.2021 a 4th Batch (full Course) hawn a rawn phalsak angin tunah heng 1st Batch-te hian kum 2023 Final-ah exam an hmachhawn thei dawn ta hi MNYF-te chuan lawmawm a tiin zirlaite pawh duhsakna kan hlan nghal bawk a ni. Tin, Final Inspection nei tur hian NMC lamte lo kal mai thei tura beisei reng a ni bawk. An rawn tum hmasak zawk hi Covid len avangin an rawn Θhulh a, ZMC lam pawh Inspection team-te hmachhawn thei tur hian a inbuatsaih reng a ni.
“ZMC hi Technical Institution dangte ang bawkin MZU-a in affiliate niin degree pawh an pek tur a ni a, tunhnai maia MZU team-te’n Inspection an neihah dinhmun Θha takah a ding niin kan hria a. Hetianga ZMC-in boruak αΉha tak leh hmalam eng tak a neih laia MLA zahawm tak Pu Lalchhuanthangaβn ZMC-a zirlaite tana ngaihthlak nuam lo zawng leh ZMC hmel timawk thei zawnga thu a sawi mai hi MNYF-te chuan a pawi kan tiin awm lo kan ti tak zet a ni.
“Tin, NHM hnuaia thawk NEUM-te’n Θha taka hna a zawm leh ta chu MNYF-te chuan lawmawm kan ti a, chutih laia BJP Mizoram Pradesh President-in “CSS hnuaia hna thawkte hlawh Central-in a ba ngai lo” a ti hi thil a hriatsual palh vangah kan ngai a, Central hian CSS hnuaia thawkte hlawh hi thla thum danah rawn pe Θhin, a hun takah a rawn pe ngai lo zawk a ni,” tiin an tarlang a ni.
