BJP Mizoram chuan vawiin 11th June, 2025 (Wednesday) Dar 10:45 am hian 11th Years of Modi Government lawmna kal zel ah Exhibition a buatsaih a, Exhibition hi Anil Antony, BJP National Secretary & National Spokesperson ni bawkin hawnna hun a nei.
Exhibition hawnna huna thusawitu Pu Anil Antony chuan, “Prime Minister Pu Narendra Modi kaihhruaina hnuaiah India ramah Sorkarna Kum 11-na kan lo thleng thei leh ta a, BJP & NDA Sorkar kum 11-na kan lo thlen hian India ram chuan nasa takin hma a sawn a, Khawvela Economy ṭha berte zingah pawh kan lang phak ta a, Defence ah pawh India chuan nasa takin hma kan sawn a ni. Chumai bakah India ram ah Swachh Bharat Mission kalpui niin, India ram hmun hrang hrang tun hmaa bawlhhlawh tak ni ṭhin chu a fai chho mek a, inthiarna neilo te sak sak an ni bawk. Chumai bakah Corruption ah pawh Pu Modi-a kaihhruai sawrkar chu kan fihlim avangin kawng tam takah State hrang hrangah pawh Pu Modi-a Sorkar hmalakna thar ‘Direct Benefit Transfer’ avangin Corruption kawng laka awm ṭhin pawh tih reh a ni ta a ni. Chuvangin Prime Minister Pu Narendra Modi kaihhruainaa hmalakna tarlanna Exibition buatsaih hi Mizoram mipui te’n lo tlawh se, India ram chanchin, hmasawnna kawng kan zawh dan hrang hrangte chu an hre fiah thei ngei dawn a ni,” a ti.
BJP Mizoram State President Vanlalhmuaka chuan, “11 Years of Modi Government Exibition chu Mizo mipui a duh apiang tana tlawh turin hawn a ni dawn a, zing 10:00 am aṭanga tlai Dar 4:00 pm thleng hawn ṭhin a ni dawn a, Exibition ah hian Prime Minister Pu Narendra Modi-a kaihhruai Kum 11 chhunga hnathawh te tarlan a ni a, Mizo mipuite he Exibition hi rawn tlawh ṭheuh turin kan sawm che u a ni,” a ti.
