Ni 22th April, 2023 (Thawhtan zan) dar 8:00 khan 12th Inter Branch YMA Cricket Tournament 2024 chu Bawngkawn South Branch YMA Hall ah Prof. Lalnuntluanga, Vice President Central YMA in a vaw hawng.
He hun hi Pu Fabian Lalfakawma, Asst. Secretary Central YMA chuan a kaihruai a, Pu Lalhmangaiha, CEC, Chairman Central YMA Sport Sub-Comt. chuan hunserh a hmang a, Pu Lalrochuanga Pachuau, President, Cricket Association of Mizoram chuan Fixture tlangzarhna hun a hmang bawk.
Prof. Tluangtea chuan thusawiin, “Mizoram a kum 26 chhunga Cricket in hma a sawn dan hi a ropui takzet a, Mizo thalaiten Cricket avanga sum tam tak an lo la lut ta hi a lawmawm a, hemi kawnga Cricket Association of Mizoram (CAM) te thawhrimna rah kan hmuh hi a lawmawm in an fakawm hle a ni.” ati.
Pu Tluangtea chuan sawi zelin, “Ram leh hnam humhalhna atan a pawimawh ber pakhat chu intodelh hi a ni a, hemi kawngah hian Criketer ten anmahni leh an chhungte an chawmna tur Cricket hmanga an hlawhchhuak thei hi a hlu hle mai, YMA chuan hei hi kan ngaihlu a, a tul angzel a thawhpui a dawmkan zui zel hi kan duh ani.” ati bawk.
He Tournament vuakhawn zan ah hian CYMA Zaipawl te an zai bakah, Nl. Vanlalruati, Tlangnuam Vengthar Branch chuan kalkhawmte zaiin an awi a, CEC atangin mi 12 in he hun hi an hmanpui thei bawk.
