Nimin 15/12/2024 chawhnu dar 2 :00 pm khan Mizo Chelsea Supporters’ Club chuan kum tina an lo tih thin angin, kum 2024 Christmas lo thleng tur pualin Bethany Children Home, Sihhmui ah luanchhuahna hun an hmang.
Bethani Children Home ah hian thilpek hlanna hun tawi neih ani a. MCSC vice chairman Ricky L Colney in kaihhruai in Pu C.Lalrotluanga Asst General Secretary chuan hunserh a hmang. Thilpek hi an Adviser lo ni tawh thin Dr Lalmalsawma Nghaka’n a hlan.Tin, kum 2025 MCSC Calendar chu kan adviser Pu PC Laltlansangan a tlangzarh bawk.
He hunah hian Mizo Chelsea Fans mi 48 thawkchhuak in pawisa fai Rs,72500 bakah naupang thuamhnaw thahnem tham tak kan hlan a ni. Pawisa tlingkhawm leh thuamhnaw an hlan te hi Mizo Chelsea Fans mi 73 te thawhkhawm a ni a.He Charity pual a Mizo Chelsea Fans thawhlawm thawh tute zawng zawng chungah leh vawiin a rawn che chhuak te chungah lawmthu an sawi nghal bawk a ni.
“Mizo Chelsea Supporters’ Club chuan hun tha tak leh hlimawm tak kan hmang thei hi kan lawm hle a. Bethani Children Home a naupang awm zawng zawngte leh thawktute hlim taka Christmas hmang turin duhsakna kan hlan nghal bawk e,” an ti.
