ASF avangin Vawk vulh lai 1983 an thih belh le ta

Aizawl May 9 : Vawk Pulhri African Swine Fever ASF darhthar leh mek ah Animal & Hunsbandry Veterinary Deptt. chhinchhiah dan in Inrinni khan ASF Hrikai Vawk 32 an thi a,vawiin khan 25 a thih belh leh a, ASF avangin Vawk vulh lai 1983 an thi tawh bawk.
AH&Vety Department thuchhuah tarlan danin Vawk Pulhri ASF darhthar leh mek ah hian tunah khaw 31 a tuam mek nia hriat a ni a, District 6 ah ASF Hri hi a darh mek a, vawk 1201 chu ASF Hri vang hian suat an ni a, ASF ni ngeia ngaih vawk 473 an thi tawh bawk a ni. Tunlai hian a bikin Champhai District ah Vawk pulhri hi a darh nasa hle nia hriat a ni a, Champhai District a khaw 62 zinga khua leh veng 20 chu he hri hian luhchilh tawhin Vawk pul zat an pung chho zel a. Vawk pul hri avangin kar kalta ah khan vawk 1141 thi tawhin fimkhur thu hlaah vawk 757 ngawt suat an ni tawh bawk.
Champhai District a Farkawn khua ah pawh ASF avanga vawk thi 92 awmin karkalta zirtawpni khan Farkawn NSS unite te chuan vawk thite paih hnatlang an nei a, Farkawn ah hian tunhnai ah vawk 580 chuang a thi tawh bawk a ni.
Tarlan tawh angin Kumin March ni 23 khan Animal Husbandry &Veterinary Department Minister Dr. K. Beichhua chuan African Swine Fever, vawk pul hrileng a darh zel lohna atana Department hriatpuinaa vawk an suat sakte tana Central Sorkar a zangnadawmna an dilsak chu 1st Installment tur an rawn pe tawh tih a sawi.
Vawk an suat sakte hi Central Sorkar, Ministry of Fisheries, Animal Husbandry & Dairying in scheme a neihsa anga zangnadawmna pek tur a ni a, hemi atan hian State Sorkar chuan Rs 11,69,94,414 a dil a, nimin (22nd March, 2022) khan First Installment atan Rs 5,84,97,000 a rawn pe tih AH&Vety Minister Dr Beichhua chuan a sawi a ni. Hetihlai hian Vety Minister chuan African Swine Fever lakah an fihlim tawh emaw an tih laii Department hriatpui lo va lalut an awm a rin thu sawiin, Sakawrdai lamah Vawk 111 tunhnaiah a thih belh tih a sawi bawk a, Champhai District ah vawk 59 ASF vanga thi tih an tichiang tawh thu a sawi bawk.