Aizawl May 11 : Vawiin chawhma dar 11:00 khan Pu Lalnunmawia Chuaungo, Chief Information Commissioner, Mizoram Information Commission(MIC) hovin Mizoram RTI Online hmalakna kal mek thlir ho a ni.
He hunah hian MIC project pawimawh tak buatsaihtu Department te – GAD, Finance Department leh Information & Communication Technology (ICT) hotu aiawh ten an hmalakna thlen chin te CIC hnenah report an pe a ni
CIC Pu Lalnunmawia Chuaungo chuan hmalakna neih tawh chin te a tha thawkhat tih sawiin tanlak mar reng a pawimawh tih a sawi a. Mizoram RTI Online chu July ni 1, 2022 atanga a mamawhtute apiang tan hman tan tura peihfel ni se a duh thu a sawi bawk a ni.
Mizoram RTI online hi mipuiin awlsam taka an mobile phone emaw computer hmanga RTI zawhna leh a chhanna an hmuh theihna tura duan a ni a. Office-a kal kher lo a, RTI hmanga zawhna a zawh theihna tur leh a chhanna an hmuh theihna tura ruahmanna a ni.
