Dated Aizawl 14th June, 2023
Vawiin chhun khan Aizawl leh Mizoram hmun hrang hranga in zar pharh, 2nd Battalion Assam Riffle hotu lu Commandant, Col. Mukesh Sauhta leh Aizawl town Commander, Maj. Ashish Rawat te chuan naktuk YMA Day vawi 88-na pualin Central YMA Pisa, Tuikhuahtlangah YMA Day Chibai an buk a, YMA Day Cake a bika siam chu an hlan bawk.
Assam Rifle hotute hi Central YMA President Pu R. Lalngheta hovin, Office Bearers dangte leh CEC member thenkhat ten an lo dawngsawng a a ni. Assam Riffle thilpek lo dawngin, President Pu Ngheta chuan Assam Riffle tena YMA Day min hriatsak chu lawmawm a tih thu leh YMA Member 473872 awiawhin lawmthu a sawi a ni.
Col. Mukesh Sauhta hian Central YMA Hall-a Central YMA ten an buatsaih Manipur atanga Raltlan te tana Transit Camp an buatsaih chu a tlawh nghal a. Raltlante thu leh hla ngaihthlak sakin YMA Day pualin tanpuina an pek tur lthu a hrilh a ni.
