Mizoram Merchant Association (MIMA), General Hqrs hruaituten Chief Minister leh Labour, Skill Development Dept. Minister hmuin, Shops and Establishment acts hmanga Minimum wages hmanna tur, Cabinet Meeting a ngaihtuah tur proposal an sawipui.
Minimum wages hi Labour Law practice na tur a ni a. India ram khawi State-ah mah dawrkaite-ah minimum wages hi hman a ni lova. Corporation lian, Hospital lian, Company lian, Industry lian, Factory etc. lianpui puiahte hman a nih chauh thute an sawipui. Keini ang state rethei taka hman tura rate, State Level Committee in a ruahman phei hi chu India ram minimum wages rate-ah a sang filawr em em a, hman chiah an ngaih loh thu thlen a ni. State dang, Minimum wages hmangtute sumdawng lianho pawh, mi 7 thawk chinah chuan Association an din danin a phalsak hmangin, an thawhnate chungah nawrh an huaihawt fo avangin an buai hle thin a ni.
Hemi chungchanga Chief Minister an hmuha an sawipuinaah CM zahawm tak, Pu Zoramthanga lo dawnsawn danah MIMA an lawm hle a.
Chief Minister an hmuh hnu hian pu Lalchhandama Ralte, Labour Minister an hmu leha, thil tam tak an sawiho hnuah *MIMA te duh ber chu, India ram State dangte ang bawk a, Dawrkai/ Proprietorship-ah hman loh* anih chu thlen a ni a. *Tha taka sawiho anih hnuin MIMA hotute leh department hotuten sawiho leh anih hnuah, Minister hoa sawiho leh nise* tiin, boruak tha tak hnuaiah an tin ta a ni.
