BJP Mizoram Pradesh chuan vawiin 9th September 2022(Friday) khan BJP State Office Upper Republic ah Political Session neiin, R.Vanramchhuanga, State General Secretary-in inkhawm a kaihruai a, Vanlalhmuaka, State President in mithar lawmluhna leh thusawina hun a nei a ni.
Vanlalhmuaka chuan thusawiin, “BJP lawmluh tur Aizawlah leh Thingtlang lamah kan nei reng hi a lawmawm hle a, Mizoram Sorkarin tun ah hian Sum leh pai-ah harsatna lian tak an tawk tih hi Mizoram mipui hian kan hrechiang hle a, tun thleng hian Sorkar hnathawk hlawh an la pe kim thei lo te hi a mangan thlak hle a ni. Sorkar harsatna hrang hrang hria a Sorkar hnathawk ṭhenkhat te chuan Voluntary Pension hial an duh a, Sorkar hnathawk si a hlawh lak theih chuang si loh ai chuan keini tal hian Sorkar hnathawk te’n a hun taka hlawh an lak theih nan ṭangkaina kan neih takin tiin Voluntary Pension pawh an duh phah a, hei hian kan ram vei tu tak tak te’n kan harsatna ata chhanchhuahna kan neihna tur chuan BJP lo chu a awm lo a ni tih an hrechiang hle a ni. Chuvangin Mizoram hian hmalam hun eng neih kan duh a nih chuan Party hrang hrang te’n an tih theih ve loh tih theihna nei tu BJP hi kan Sorkar tir a ngai a, Mipui mamawh hrang hrang bakah Sorkar hnathawk hlawh thleng a, kan harsatna tawh fo tih reh nan BJP hi kan thlantlin a ngai a ni,” a ti.
BJP chuan, “Report hrang hrang ngaihthlak aṭangin; Serlui ah BJP zawm thar leh BJP zawm tura Inbuatsaih mek te lawm luh tura buaisaih an awm a, Dampa Constituency Bawngthah ah State President in Mi 29 member thar a la lut bawk a, Chalfilh Constituency ah nasa taka hmalak niin kuthnathawk tute’n an mangan thu leh BJP ah lo chuan beiseina kan nei tawh lo tih hialin Dr. Vanlalhruaia chu an lo hrilh bawk a ni. Tin, Aizawl khaw chhungah pawh mipuitling chin leh ṭhalai hnathawh tur mamawh leh mahni kea ding duh te’n BJP aṭang lo chuan Development thlen tir a har dawn tih hria in tunah hian an in hawrkhawm mek bawk a ni,” an ti.
