Vawiin June ni 6, 2023 (Thawhlehni) hian Tamdil, Saitual District ah, Tamdil Wetland Interpretation Centre & Herbarium hawnna hun hman a ni a. He hunah hian TJ. Lalnuntluanga, Minister, Environment, Forest & Climate change deptt. chu khuallian niin he centre hi a hawng.
TJ. Lalnuntluanga chuan thusawiin, “A ram leh a felna zawng hmasa zel ila, kan ramin hma asawn zel ang. Kan ramah kan beisei leh hriat ngailoh hmasawnna thar kan hmu zel a, hmasawnna hi a thleng mek a, a thleng zel dawn a. Chuvangin, beidawnna tur a awmlo. Kan hruaitu hmasa leh thawktu hmasate hnathawh a fakawm tak zet a, theihtawp chhuaha an lo beihna sawi hmaih a thianglo,” a ti.
Forest Minister chuan, Pathian thilsiam duat taka enkawl hi Forest department nen a inhmeh hle a. Kan hnam leh sakhuana kan kalpui dan pawh Pathian thil reldan nen a inrem hle a ni. Pathian thilsiam humhalh hi mihringte mawhphurhna a ni, a ti bawk.
Tamdil Wetland Interpretation Centre & Herbarium hi Mizorama din hmasak ber leh awmchhun a ni a. Hetianga lama tuimi leh zirlaite tan atangkai hle tura ngaih a ni.
TJ Lalnuntluanga hian thingtiak chi hrang hrang tihpunna leh enkawlna, Central Nursery, Tuirial ah a hawng bawk. Minister hi MNF party hruaitute leh dept.mi engemaw zatin an tawiawm bawk.
