Vawiin (June 6) hian Art & Culture Director office ah INTACH Mizoram Chapter office thar inhlanna lehkha (agreement letter) chu Art & Culture Department Director Carol VLMS Dawngkimi leh INTACH Mizoram Chapter Co-Convener Prof. J. V. Hluna ten hming ziakin an nemnghet a, Agreement Letter copy hi Art & Culture Director hian INTACH Mizoram Chapter hnenah hian a hlan nghal a ni.
Art & Culture Department hian INTACH Mizoram Chapter office thar atan hian an building zinga mi McDonald Hill-a Mizoram State Museum building a pindan pakhat an pe a. Art & Culture Department hotute leh INTACH Mizoram Chapter hruaituten INTACH office thar tur hi a hmunah tlawhin an en ho nghal a ni.
Office inhlanna hunah hian Art & Culture Department Director Carol VLMS Dawngkimi, Joint Director Gen Khan Do leh Deputy Director K. Lalruala te leh INTACH Mizoram Chapter Co-Convener Prof. J. V. Hluna hovin hruaitu dangte an tel a ni.
