Tukin (Dt 7.6.23) Wed dar 7:00 khan Baptist Multipurpose Centre (BMC) Falkland atangin Manipur a Zohnahthlak Unau te tanpuina tur Truck Trip khat (Nitin Eichawp thil) Cheng Nuai 8 hu Churachandpur pan tur Rev. R.Lalrintluanga Executive Secretary Aizawl BMC atangin a vailiam.
Hemi puala Inkhawm Falkland BMC hmuna neiah Rev.L.Vanlalsanga BCM Relief & Development Director in report tawi pe in, North East India Christian Council (NEICC) leh BCM (R&D) te tangkawpin Manipur a Zohnahthlak Unau te baihvaih tak leh mangang tak a awm, ei tur lamah harsatna nasa an tawk tih hriaiin, an ei leh in tur sum fai a leisak in, Truck Trip khat kal chhoh pui a nih tur thu a sawi a, Sum faia engemawzat pek an nih dawn thu sawi telin, zanin hian Ngopa-ah an riak chho anga, Naktuk lamah Churachandpur panin an kal zel dawn niin a sawi a, Churachandpur-ah Kuki Baptist Christian Association (KBCA) te hnenah an hlawn chhawng dawn a ni. Hemi hnu hian Rev. C.Lalhungliana, BCM Aizawl Area Development Committee in zin chhuak tur te tawngtai sakna neiin, Bolero pakhat leh Truck pakhat kal chhuak tur hi Rev. R.Lalrintluanga’n a vailiam.
