Tunlaia social media lama tam em em Revd.Chuauthuama thusawi chungchanga a ngaihdan, MPCC president Lalsawta chuan a hnuai a mi ang hian a sawi.
Aizawl Hmar Presbytery KTP Meet vawi -4 na ni 4.6.2023 (Pathianni) Chawhnu, Sihphir Kohhran-a Revd Chuauthuama thusawi Social Mediaa lamah a tam hle mai. A thusawi kha a tluanin uluk takin vawi 4 ngawt ka ngaithla a. Kan rawngbawltu te’n kan ram leh hnam tana an thahnemngaih zia te, kan ram an vei zia ka hmu. Kan tih dik lohna min hriattirin insiam thatna tur min kawh hmuh a, a ropuiin a pawimawh em em bawk.
Kan famkim lohna, kan tihtur leh tih leh tur te tim hauh lo leh in sum hauh lovin sawi zel se la, uar takin kawng min kawh hmuh zel se la. A tha zawngin Congress Party hi chu kan ram leh hnam tan huaisen takin kan danglam zel ang.
Anni kan rawngbawltute pawh kan hnam leh kan sakhua chimral tuma nekchepa awm mek hi nasa zawka do a, min tanho pui zel turin ka sawm a. Ram tana kan tanho zel chuan kan sakhua leh kan hnam hi humhima awmin a zahawm zel ang.
