Peace Accord MNF Returnees’ Association (PAMRA) chuan vawiin khan Chief minister Zoramthanga hnenah memorundum thehlutin, zangnadawmna Rs. Nuai 15 theuh pe turin an phut.
An lehkhaah chuan, “Peace Accord MNF Returnees’ hi India Sorkar leh MNF (Underground Government) ten June 30th 1986-ah Peace Accord (MOS 1986) an signed avanga India citizen nita Association kan ni.
1. Kum 1987- khan Mizoram Sorkar chuan Maumual, Chaltlang Ramah Peace Accord MNF kirte tan House site min pe a.
2. Kum 1988 May 20th khan Government of India (GOI), New Delhi chuan Housing Assistance (H.A) atan Government of Mizoram (GOM) ah Sum an rawn pe a.
“No. 1&2 hi kum 30 chuang vawiin ni thleng hian ala hlawhtling lo a, chuvangin kan tawrhna hi min hriatthiam kan ngen rualin, hemi hun chhung kan tuarna Zangnadawmna Mizoram Sorkar hian mi Pakhat tan Rs 15 lakhs (nuai sawmpanga) ṭheuha minpe turin kan ngen che a ni,” tiin an tarlang a ni.
