A rualin MPCC Secretary 2, E/M 2 leh MPYCC E/M & Block President te an bang bawk.
9.6.2023: Vawin hian Congress Party atangin Ex-Minister Pu KS Thanga’n MPCC President Pu Lalsawta hnenah a thehlut. Banna a thehluh rual hian MPCC Secretary pahnih; R. Vanlalruata & Seventha Chawngthu, MPCC State Organiser pahnih; C. Lalhmunliana leh ZD Lalfinga leh Congrese Thalai E/M leh Block President pakhatin banna an thehlut a ni.
Congress Minister hlui Pu KS Thanga hian a ban chhan hi point pasarih (7) a ziak lang a. MPCC President Pu Lalsawta chu Minister a nih laiin, Luangmuala Pu KS Thanga chenna inah sorkar motor-in, driver leh PSo hruaiin amah ngeiin cheng nuai 25 a hawn tih a ziak tel.
Hei bakah hian MPCC President Pu Lal Thanhawla banna tura nasa taka hmalaah Pu Lalsawta chu a puh a. Signature campaign-te huaihawtin Pu Lalsawta hian MPCC President a nih theih nan Pu Hawla hi nasa taka a beih hnuah a ‘term’ zawh hmain Congress hmangaih vangin a bang ta niin a tarlang bawk.
A chhan hrang hrang zingah Pu KS Thanga hian Pu Lalsawta hi Congress Dan (Constitution) palzamin, mahni duh dana dan kalha rorel a nih thute a ziak tel nghe nghe a ni. ADCC a thiat a, PAC thiat lehin amah thuneihna inpe chawpi Nomination Committee member a ruat tih a ziak bawk.
