TATA SK 712 PRO VOLLEYBALL LEAGUE 2023
@ R Dengṭhuama Indoor Stadium, Mualpui
RESULT
June 10, 2023 – Inrinni tlai
Luangmual bt Bethlehem Vengthlang (hmeichhia)
– 25-22, 26-24, 25-14 (3-0)
D3 Business Player of the Match
– Nipa Barad (Luangmual)
* Luangmualin Pro Volleyball League an khelh hmasak berah title chuh phak an nihzia chiang zawkin an lantir thar leh a, champion lai Bethlehem Vengthlang lakah set thum an la tlang nghal.
* Haryana tleirawl Nipa Barad chuan Luangmual tan vawi hnih a khelhnaah point 31 hmuin ṭum kua a hloh a, a hma ang bawkin D3 Business Player of the Match lawmman dawng lehin Luangmual a chak zawnpui bawk a. Lalmuanpuii’n point 16 hmuin Hmingṭhazuali vawi ruk a vaw tla a, ṭum hnih ve ve an tisual.
* Team paruk inel zingah Mizoram pawn aṭanga player la lut awm chhun Luangmualin a hmain 3-1-in Power an hneh tawh a, semifinal lut tur dinhmun ṭhaah inhungin an khelh tawh chinah an bitumte an thunun hneh hle a ni.
* Bethlehem Vengthlang tan nikum Pro Volleyball-a player ṭha ber Elisian Medai chuan point 17 thawk chhuakin point ruk a hloh a; amah thlawp tur danglamna siam thei player dang an neih ṭhat loh avangin an khel a mar zo lo.
* Vawi thum an khelh tawhah Bungkawn hneh mah se Bethlehem Vengthlangin title cho phak team pahnih hmachhawn tawhin an el phak lo ve ve. Luangmual laka an tlawm hmain tun season-a che ṭha Kanan an hneh lo tawh a, hma lam pana insiam ṭha thei turin league khelh hnih an la nei.
* Luangmualin vawi thum chak zawn tumin June 14, nilaini tlaiah Bungkawn an khelhpui dawn a; June 13, thawhlehni tlaiah Bethlehem Vengthlangin semifinal an beiseina tihnun tumin Durtlang an hmachhawn ve thung dawn a ni.
Stats :
LUANGMUAL
Nipa Barad : point hmuh – 31, point hloh – 19
Lalmuanpuii : point hmuh – 16, point hloh – 2
Hmingṭhazuali : point hmuh – 6, point hloh – 2
Zorempuii : point hmuh – 4, point hloh – 1
R Malsawmtluangi : point hmuh – 1, point hloh – 2
BETHLEHEM VENGTHLANG
Elisian Medai : point hmuh – 17, point hloh – 6
VL Hmangaihzuali : point hmuh – 4, point hloh – 1
Elina B Lalenkawli : point hmuh – 3, point hloh – 1
Lalchhandami : point hmuh – 2, point hloh – 2
CS Zonunmawii : point hmuh – 2, point hloh – 3
FIXTURE
JUNE 12 (THAWHTANNI) :
03:30 pm : Power Department Sporting Club v Bungkawn (hmeichhia)
08:00 pm : TNT v Tuichangral (mipa)
JUNE 13 (THAWHLEHNI) :
03:30 pm : Bethlehem Vengthlang v Durtlang (hmeichhia)
08:00 pm : Chhinga Veng Spikers v Durtlang North (mipa)
JUNE 14 (NILAINI) :
03:30 pm : Bungkawn v Luangmual (hmeichhia)
08:00 pm : Tuipuiral v TNT (mipa)
