Dated 14th June 2023 hian NSUI Mizoram State Office Bearers Meeting neih a ni a. Ni 12-06-2023 (Thawhtanni)-a NGO Co-Ordination Committee thu khawm thurel – Manipur tualchhung buaina vanga kan unau zohnahthlak ten Harsatna nasa tak an tawh mek avanga an tawrhna hrang hrangte tawrhpuina lantirna tur leh an thlavang hauhnan ni 23-06-2023 (Zirtawpni) chawhma dar 11:00 am hian Raj Bhavan Gate bulah hun hman an tum hi NSUI Mizoram State chuan a thlawp tlat a ni, an ti.
NSUI chuan, “Manipur a kan zohnahthlak kan unau kan Kristian pui ten tunah hian harsatna an tawk mek a, an Biak in te halsakin, an in leh lo te an chan mek a ni a, he harsatna an tawh mekah hian, Mizoram Sorkar MNF hian Central sawrkarah kan Christian Biakin an hal leh kan unau pawisawi lo an thah te hi auchhuahpui turin NSUI Mizoram State chuan kan phut tlat a ni.
“NGO te kal zelna turah an rual a ke pen turin NSUI chu kan inpeih reng a, Manipur kan unau zohnahthlak tan hian NSUI chu engtik lai pawhin a ding reng dawn a ni,” an ti bawk.
