Vawiin 16th June ,2023 Friday hian “9 Years Modi Government Celebrations Campaign” programme BJP State Office Upper Republic ah neih niin, he hun hi BJP Mizoram All Morcha te’n an buatsaih niin, Stephen Laltawnliana Fanai, State Kisan Morcha Vice President-in a kaihruai a, Morcha hrang hrang hruaitute’n Report an pek hnu ah Vanlalhmuaka, State President-in thusawina hun a nei a ni.
Vanlalhmuaka chuan, “tunlai hian India ram pum ah ‘9 Year Modi Government Celebrations Campaign’ programme hun hman mek a ni a, Mizoram ah pawh he hun hi hman niin, tun thla June 30 thleng Programme hrang hrang duan sa a awm a ni,” a ti.
Vanlalhmuaka chuan, “India ramah Pu Modi kaihhruai BJP-in Sorkarna kan chan hnu ah India ram chu nasa takin kan ṭhang a, khawvela ram ropui kan tih te nen intiat renga kan awm theih tawh avangin India ram chu ram ropui kan ni tawh a, ram hmasawn kan ni tawh a ni. PM Modi-a kaihhruaina hnuaiah mi retheite’n nitin kan khawsakna awlsam zawkna atana ka mamawh hrang hrang Free Gas Connection te, Electric Connection te, Water Connection te, Farmer te PM Kisan kal tlanga puihna te, Inthiarna/Toilet mumal nei lo India ram ah tam tak kan awm avangin chung chhungkuate tan chuan Scheme tha tak te min buatsaih sak bawk a, tin heng bakah mi retheite hamṭhatna hrang hrang PM Modi-a chuan a nei bawk a ni,” a ti a.
“Hetiang tak hian India ram chu Development ah a ṭhang nasa a, nimahsela Mizoram ah erawh Thingtlang a kan unau chhungkaw harsa tak tak te chu Mizorama Sorkar chuan a nihna angin a pe thei lo mai ni lovin, Central aṭanga sum awmsa vek tawh pawh Mipui hnen a thlen theih ṭhin loh avangin BJP kan Sorkar erawh chuan PM Scheme kaltlanga chhungkaw hmasawnna tur hrang hrangte chu a nihna angin kan pe dawn a ni,” a ti bawk.
