Vawiin ni 22 June, 2023 hian All Mizoram CSS Employee Co-ordination Committee chuan Meeting an nei a, He meeting ah hian Mizoram Sawrkar laka kan thil phutte leh hmalak zel dan tur chungchang ngaihtuahin; “lungawlohna kan lan tir mekin rahtha a chhuah loh vangin, Mizoram Sawrkar koh eih ngei theihna turin hreh tak chungin badge dum kan bel hi bel chhunzawm zel nise, karleh Ni 26 June atang a Ni 28 June, 2023 chhung hian Pen down/tool down strike neih ni se” tiin an rel.
CSS Co-ordination Committee-ah hian Department hrang hranga CSS hnuaia thawk zawng zawng hi mi Sing chuang an nih avangin hmasawnna, hriselna, zirna leh naupang enkawlna hrang hrangte a huam dawn a, he an hmalakna avanga harsatna tawk an lo awm anih pawhin mipuite hriatthiamna an dil nghal a ni. “Mizoram sawrkarin CSS hnuaia thawkte min hlamchhiah a kan hriat avangin hreh tak chunga lungawilohna kan lantir kaltlangpui zel a ngai ta hi pawi kan tiin mipuite hriatthiamna kan dil bawk e,” an ti bawk.
