Mizo Zirlai Pawl (MZP) General Headquarters, Aizawl chuan nimin June 22, 2023 tlai dar 4:40 khan MZP Pisa Pui, Aizawl-ah Hmar Inpui, Hmar ram Region, Manipur hnenah damdawi thahnem tak a hlan.
Heng damdawite hi MZP Pisa Pui kawtah inhlan niin, MZP Adviser F. Lalnienga chuan, Manipur buaina avanga harsatna tawk mekte hman turin Hmar Inpui Hmarram Region President Pu Elmuonvel Buongpui hnenah a hlan a ni.
Damdawi chi hrang hrang thahnem tak hlan a ni a, Heng damdawite hi mi thahnem ngaite’n Manipur Zofate tanpui nana an thawhkhawmte an ni a. Anni hian MZP-ah hlanin, MZP hian nimin khan Hmar Inpui hnenah a hlan ta a ni.
He hunah hian MZP President Lalnunmawia Pautu hovin MZP hruaitu thahnem tak an tel a ni.
Manipur tualchhung buaina avang hian thla khat chuang Zofate chak lakna dan pin a ni tawh a. Nitin mamawh ei leh bar bakah damdawi a lut hlei thei tawh lova, nunau leh taksa chak lo, dam lo inenkawl lai tam tak an awm bawk si avangin mipuiin an tuar nasa hle a ni.
