Sangau leh a chhehvel khuaten thlakhat chhung lai Power Supply an neih mumal loh chungchangah Joint NGO Emergency Meeting koh a ni a, Power & Electricity Department lamten theih ang tawka hma an lak mek laiin Hnahthial Power Sub-Division SDO in mipui lam chu thudik tawklo thehdarh ah a puh tih sawiin, an hriatthiamloh thu thuchhuah siamin an tarlang.
Hnahthial a Transformer lian 1.6MVA a chhiat avangin a thlakna tur 2.5MVA thar hmang turin bunfel tawh ni mahse, Pressing hun a duh rei deuh avangin Transformer 2.5MVA awmsa pakhat chauh hmangin Feeder hrang hrang in ênchhâwk a nih thu, anmahni Power Dept lamten an sawi lai leh mipuiten eizawnna kawng hrang hrangah harsatna Sangau leh a chhehvel mipui ten an tawh mêk lai in Hnahthial Power Sub-Division SDO chuan Sangau leh a chhehvêl khaw 12 ten karthum vel Power Supply an hmuh mumal loh chungchang an auchhuahnate chu thudik tâwk lo ti a a sawi chu pawi an tih thu leh thleng nawn tawh lo se an duh thu an sawi a, SDO in power semchhuah dan, Hnahthial Control Room-ah hmuh theih a tih angin nimin khan khawtlang hruaituten an en a, Power Supply an hmuh mumal lohzia pawh finfiah a ni.
Electric Current hi mitinte mamawh a nihnaah mipuite pawn tha leh zung tamtak sengin Department te an lo thawhpui fo tawh thin a, hetianga an thawhhona boruak tichhhe zâwng thil hi thleng nawn tawh lo se an duh thu te, mipuite chuan a tuldan a zirin an theih ang angin Department lamte thawhpui zel hi kan inhuam reng thu an thuchhuah ah an tarlang.
He an thuchhuah ah hian Sangau Joint VC, YLA Sub Hqrs Sangau, Lai Women Association Sangau leh South Vanlaiphai Group YMA a President theuh ten hming an ziakhnan a ni.
