BJP Schedulled Tribe Morcha, Mizoram Pradesh chuan thuchhuah siamin, “Manipur State chhunga kan unau (tlangmi) te’n harsatna nasa tak an tuar hi pawi kan tiin, kan lainat hle a ni.
“Manipur State chhunga Tlangmi leh Meitei hnam inkar buaina vanga kan unau nunna chân mi 100 chuang leh an chhungte kan lainat in kan tawrhpui takzet bawk.
“Khaw tamtak leh Biak In 220 chuang hal anih hnu pawha tunthlenga Meitei hnam ten kan unau (Schedulled Tribe) te an la beih chhunzawm reng hi pawi kan ti a. Hnam leh Sakhua anga inhmelmakna nasa zawk a chhuah hma ngeia buaina tihtawp thuai ṭul kan ti bawk.
“Heng thil thlen nachhan ah hian Manipur Sawrkar N Biren Singh kaihhruai chu mawhphurtu ah kan ngai a, Central Sawrkar hian Manipur sawrkar hi ṭhiat a President’s Rule a puan thuai kan phut a ni,” an ti.
