All Mizoram CSS Employees Co-Ordination Committee chuan, “Ni 24, June, 2023 hian Sawrkarin min koh angin All Mizoram CSS Employees Co-Ordination Committee Office Bearers, Deputy Chief Minister leh DP&AR officer te nen meeting kan nei a. He meeting ah hian Deputy Chief Minister in CSS te tana hma min lo laksak tawh dan ngaihthlak niin theihtawp min chhuahpui avangin lawmawm kan ti hle a ni. Amaherawhchu, kan phut anga Chief Minister hmuh kan dilna chu remchang min siamsak theilo a, Hetiang hi kan dinhmun anih avangin Chief Minister hmai hma ngeia kan hmuh hma chuan kan hmachhawp Pen/Tool down Strike (Ni 26-28 June, 2023) hi kaltlangpui tur a ni.
“Kan kal zeldan tur chu Chief Minister kan hmuh hnuah emaw Chief Minister kan hmu theilo a nih pawhin, All Mizoram CSS Employees Co-Ordination Committee in a ngaihtuah leh ang,” tiin thuchhuah an siam.
