MNF Party General Secretary VL Kroshnehzova chuan, vawiin khan Aizawl Press Club-ah chanchinthar lakhawmtute kawmin, “Kum upa lam a nih tawh hnua natna khirh takin a tlak buak, chumi atanga Pathian tihdamna ropui tak changtu ‘Pathian nen lo chuan ka kal ngam tawh lo’ titu Deputy Chief Minister leh MNF Senior Vice President Pu Tawnluia hi MNF chuan thinlung takin kan chhuang a. Mizoramah eng pawh lo thleng se Ram leh hnam tan a him em? kan sakhua Kristian tan a him em? tih ngaihtuah hmasa thin a ni a. Sorkar mai ni lovin MNF Party tan pawh hian a pawimawh em em a, Nationlism khai dingtu ban pawimawh a ni a, Hnam Sipai Army Chief hlui a nih angin Ex MNA-te’n pa en takah an en a ni.
“July ni 26, 2021 khan Assam chuan Mizoram ramri rawn lutin, kan duty post an rawn luhchhuah a. Hetah hian Dy CM Pu Tawnluia thurolum chu, ‘Kan duty post hi tlai dar 5:00 hmain engti zawng pawhin kan la let leh tur a ni,’ tih a ni. Chief Minister Pu Zoramthanga nen sawi dunin thutlukna lian tak siam a ni ta a, Silai a puak ta a, kan ramri kan lalet mai ni lovin, Mizoramin ramriah nasa takin hma kan sawn phah ta a ni.
“A kum lam lo tam deuh tawh mahse, a department enkawl a hneh em em a, zirna lamah Science subject background nei a lo ni bawk nen technical thil thlengin a hre bel hneh em em a. A ni hona hnuaiah hian Public Health Engineering Department, Urban Development & Poverty Alleviation Department leh Personnel & Administrative Reforms chuan hma a sawn nasa em em a. Zoram tan hna ropui tak tak leh chhinchhiah tlak tak tak thanhnem tak an thawk a ni.
“Heng Department hnuaiah hmasawnna hnathawh thenkhat hi tun tumah hian kan tarlang dawn a. A zavai chuan tarlan mai sen rual a ni lo a, a then a zar kan han tarlang dawn a ni.
“PMAY (URBAN) – Housing for all hnuaiah in sakna pek 5026 leh sak zawh tawh 2309 a awm tawh a. Tunhnai kum 3 chhungin Self Help Group 227 din fel tawh niin, heng zinga SHG 195-te chu Revolving Fund Rs. 10,000 theuh pek an ni tawh. SHELTER FOR URBAN HOMELESS (SUH) District 10-ah Shelter 11 sak thar a ni a. Home 85 hnenah tanpuina pek an ni a. Shelter sak mek 3 a awm bawk.
“DAY-NULM – Deendayal Antyodaya Yojana – National Urban Livelihood Mission EMPLOYMENT THROUGH SKILL TRAINING & PLACEMENT (EST&P) hnuaiah tunhnai kum 3 chhungin mi 3220 train chhuah tawh an ni a. Heng zingah hian mi 2246 in tha taka pass chhuakin certificate an dawng a, chung zingah chuan mi 1583 in eizawnna atan an hmang tawh a ni.
“SELF EMPLOYMENT PROGRAMME (SEP) – Tunhnai kum 3 chhungin SEP component hnuaiah mimal loan mi 425 hnenah pek chhuah tawh a ni. Tunhnai kum 3 chhung vekin Self Help Group loan, SHG 69 hnenah pek chhuah tawh a ni.
“Hei bakah hian mimal, Group leh SHG Loan hnuaiah a vaiin Loan pek tawh zat 518 an ni a. NULM-in loan rulhna a puih tawhna zat chu cheng 1,29,71,381.00 zet a ni.
PAHOSS: Parking House Support Scheme (PAHOSS) hi State Flagship Programme niin February 6, 2019 khan Hon’ble Chief Minister Pu Zoramthanga’n a hawng a. Scheme-in a tum ber chu khawpui chhunga Motor Park-na tlem lutukin Traffic Jam a siam sutkian nana duan a ni. PAHOSS hnuaiah mi 11-in felfai taka zovin Third & Final Installment pek tawh an ni a. Tun dinhmunah PAHOSS beneficiary, Agreement sign pui theih, 1st Installment, 2nd Installment leh 3rd Installment pek mai theih mi 201 an awm. Sum pek chhuah tur zat hi Rs. 1036.90 lakh a ni.
“Swachh Bharat Mission hnuaiah: Mizoram hi North-East a 4-na turin Pawn lera Inthiar awm lohna (ODF) State-ah puan a lo ni tawh a. SWACHH BHARAT MISSION (GRAMIN) Baseline survey 2012 angin inthiarna (toilet) sak tur target 30067 chu sak tihpuitlin vek tawh a ni a. Mizoram chu pawn lera inthiar awm lohna Open Defecation Free (ODF) State 13-na a lo ni ta.
NERCCDIP Project – III hnuaiah Aizawl Solid Waste Management Centre din niin, SIPMIU leh AMC-in an enkawl mek a. Urban town tan Solid Waste Management Centre Project hi buaipui niin, recycle theihte hralhchhuahna turin hmalak a ni. Lunglei-ah siam leh tura ruahman niin (DPR pawm a ni tawh a ni. Vermicompost Centre – Leitha sawngbawlna hmun pawh khawpui 20-ah din vek a ni bawk.
Mizoram hi State fai a nih theih nan leh khaw hrang hrang pawh khaw fai a nih theih nan project hrang hrang hmangin sum leh pai tam tak sengin hmalakna kalpui a ni a, kalpui mek zel a ni bawk. Sorkar, mipui leh tlawmngai pawlte kan tangrual bawk a, Mizoram khawpui leh thingtlangin faina kawngah hma kan sawn nasa hle.
“SEDP 2019 – 2020 huam chhunga sanction Nuai 6000 atangin hna lian tak tak 900 chuang thawh mek leh thawh zawh tawh a awm a ni. Special Central Assistance hnuaiah Land Development of Solid Waste Management Centre khaw 5-ah thawh mek a ni.
“NLCPR hnuaiah Sainik School, Chhingchhip tuilakna lian tham tak peih fel a ni tawh a, Dam Reservoir & Development of Recreation Centre, Keilungliah (Rs. 1988 lakhs) chu 91.60% thawh zawh tawh a ni. Alternative Gravity Water Supply Schemes of Aizawl (AGWSSA) (Rs. 1141.96 crore) chu 70.04% thawh tawh a ni.
Greater Khawzawl WSS leh Biate WSS tuilakna peihfel a ni tawh a, hei bakah hian N. Tinghmun WSS, Augmentation of Sumsuih WSS, Improvement of Lengpui WSS, Sialhawk WSS, Hliappui WSS, Augmentation of Hnahlan WSS, Augmentation of Greater Mamit Pt-I WSS, N. Mualthuam WSS te thawhzawh tawh a ni a. New Chalrang WSS (Solar Pumping) (99.92%), Tualte WSS (Solar Pumping) (100%), Hermon WSS (Gravity Flow) (75%), Ralvawng WSS (Solar Pumping) (100%), Pangkhua WSS (74.52%), Riangtlei WSS (45%), Tlangpui & Tlangmawi combined WSS (26.58%), Vanva WSS (82.92%) leh Chawngte Rural Drinking WSS (7.14%) te thawh mek leh zawh tawh a awm bawk a ni.
“Hei bakah hian in tinah ni tin tui litre 55 herh hawna tur Functional Household Tap Connection (FHTC) chu kum 2024-ah tihlawhtling vek hman tura hmalakna chak taka kalpui a ni.
“SIPMIU hnuaiah Water Supply hian tui semna pipe KM 309.04 siamthatna leh siam belhna hnathawh a ni a, he hmalakna hi kalpui mek a ni a, 92.36% zawh tawh a ni a. Aizawl khawpui tan tui thianghlim lakna tur hmun thar 37 MLD Water Treatment Plant chu Setlak lui leh Tlawng infinna bul, Industrial Growth Centre-ah sak mek a ni a, 92.12% zawh fel tawh a ni. Water Reservoir hmun kua (9)-ah sak zawh tawh a ni. Aizawl tui laknaah khawl thluak nei hmanga data lak theihna SCADA system-te chu bun fel tawh a ni.
“Heng Project avang hian Aizawl tui laknain ziaawmna nasa tak a neih phah a ni. A nghawng dan chu kan tarlang seng lo ni mai teh se.
“Aizawl bawlhhlawh paihna hmun siam thar a ni a. Project hnuaiah Sqm 20023-a zau Sanitary Landfill sak a ni a. Khawl hmanga bawlhhlawh sawngbawina hmun (50 TPD) leh Vermi-Composting Plant (11 TPD) sak fel tawh a ni. Bawhhlawh thliar fel sa lakhawm tur bawlhhlawh motor 54 lei fel tawh a ni a, a hmang tur Sorkarah hlan tawh a ni.
AIZAWL SMART CITY LIMITED
1 Integrated Command Control Centre (ICCC) – 114.64 crore
2 Sanitary Napkin Vending Machine – 2.04 crore
3 Reverse Vending Machine (RVM) 0.89 crore
4 Roadside Drinking Water Kiosk 1.42 crore
5 Street Vending Zone 0.41 crore
6 Refurbishment of Mizoram State Museum 3.90 crore
7 Digital e-library 1.51 crore
8 Steps/Stairs improvement 4.58 crore
9 Construction of Entrepreneurship Development Centre (EDC) 4.18 Crore
10 Construction of Indoor Stadium at Zuangtui 15.05 Crore
11 Construction of Highfield Multipurpose ground 16.06 Crore
12 Construction of playground at Tuivamit 7.64 Crore
13 Construction of playground at Hlimen 6.91 Crore
14 Construction of Futsal ground at Mitla mual 6.72 Crore
15 Outdoor Youth Recreation Gym 1.13 Crore
16 Construction of playground at Edenthar 8.18 Crore
17 Common Bio-Medical Waste Treatment Facilty 8 Crore
Hei bakah hian Project lian tak tak 16 lai tender mek a ni a, DPR siam mek project lian 4 a awm bawk a ni.
“Heng mai han thlir pawh hian sorkar kal tawh leh sorkar mekte engmah thawk lo anga Party thenkhatin min puh hi chu a dik loh zia a lang chiang hle a. Sorkar tih that hmu thei miah lo opposition-te mit fiah lo karah, MNF kaihhruai sorkar chuan chak takin hma a sawn mek zel a ni,” a ti bawk.
