Special Judge (Prevention of Corruption Act) Pu HTC Lalrinchhana chuan a hminga Instagram account lem siam a, pawisa khawnna atana lo hmang an awm avangin Cybercrime Police Station-ah tun hnai khan complaint a thehlut.
Thudawn danin a hminga Instagram account siam hmangin mi tam tak hnenah pawisa khawn a awm thu hi a thian hnai pakhatin Special Judge hi a hrilh a. Hemi thu a hriat ve leh hian Cybercrime Police Station-ah FIR a thehlut ta a. Police-te’n chhui zui-in he account lem pawh hi an tihtawpsak nghal a. Heti chung hian an misualte hian kawng dangah hlet an chhuah leh theih avangin fimkhur turin mipui a ngen. Pu HTC Lalrinchhana hi eiruk hmangte na taka hrem ngam judge kan neih tlemte zing ami a nih avangin mipui hriat leh ngaihsan hlawh tak a ni.
