Central YMA chuan thuchhuah siamin, “Tun hnaia Manipur buainain ni 61 chhung zet reh lam pan lova, a punlun chho zel hi Central YMA chuan pawi a ti a, he buaina avanga nunna chan, hliam tuar leh harsatna hrang hrang tawk zawng zawngte a tawrhpui tak zet a, mihring hlutna zahpah lo lek a, diriam leh nunrawng taka insawisakna thleng phei hi chu a hrethiam thei lo a ni.
“Ni 3.7.2023 (Thawhtanni) dar 2:30 pm-a Central YMA hruaitute leh Mizo Peoples Convention (MPC) Manipur Headquarters hruaitute Central YMA Office-a inkawmho chuan, Manipur buaina hi uluk taka thlir chunga hnam hrang hrangte inlungrual taka kalpui tul a ti a. Mimal leh pawl bil anga chet lakna hranpa nei lova, a tul ang zela inrawnkhawm thin tha a ti,’ tiin thuchhuahah chuan a tarlang.
