MZP Tlabung chuan thuchhuah siamin, “Tunlai hian Tlabung leh a chhehvelah natna chi hrang hrang ( Malaria, Typhoid, Rannung seh adt.) a tam em em a; damlo admit ngai an tamin, khum pawhin a daih thei meuh lo a ni.
“Chutihrualin, heng damlo enkawl tur Nurse te indaihlohna a nasa in, volunteer/ experience atana inpe te avangin mualpho lo in kan awm thei rih a ni. Nurse Volunteer/Experience atana thawkte hi Ni 4 July,2023 hian chawlh an tum tawh avangin, Nurse indaihlohna hi a nasa dawnin, damlo te tan harsatna awm thei niin a lang a. Mizo Zirlai Pawl, Sub-Headquarters: Tlabung leh Village Council, Tlabung tangkawp te chuan, ‘Volunteer/Experience tura lo thawkte atangin Nurse 2 a chhawr chhunzawm dawn a, Nurse indaihlohna hi sawrkar in min hriatpui ngei kan ring.
“Tun dinhmunah chuan Nurse indaihlohna avanga sawrkar nawr a, sawrkar tan harsatna siam kan tum buai lo a. Khawtlang hian kan theih chin chin Nurse hi a chhawr dawn a ni. Chutihrual erawh chuan ‘Nurse lak thar tur zinga 2 tal hi chu Tlabung Sub-Divisional Hospital a thawk tura dah turin sawrkar kan ngen’ nghal a ni,” an ti.
