Zirtawpni khan Keitum khuaa hmeichhe naupang pakhat chu chin hriat loha bo in a ruang hi an In bula lei laihkhuar-a tui tling ah tlai lamah hmuh lehnghal a ni.
Vanduaina tawk hmeichhe nau-pang hi Lalpeksangi (8) d/o Lalrinsangi niin Keitum Field Veng-a khawsa an ni a, amah hi naupan tet atanga hrisel lo leh naupang dang te pawh phak chiah lo niin Zirtawpni chhun dar 12:00 vel khan a chhungte hian a awmna chin hre lovin an zawng a, an In atanga meter 100 vela hla, NH. 54 kawng siam hna thawktu ten lei an laihkhuar-a tui tlinna bulah a kawr leh Chapal hmuh a nih avangin tui ah hian a tla nia rin a ni a, khawl hmanga Tui hi pump chhuah a nih hnuah tuithiam te lutin he tui-khuah ah hian a ruang hi hmuh niin tlai dar 3:00 velah a ruang hi lakchhuah a ni.
Lalpeksangi te hi unau 5 niin amah hi a naupang ber a ni a, a ruang hi Zirtawpni zan khan lumen a nih hnuah Inrinni khan Serchhip Dam-dawi In-ah Postmortem in Inrinni vek khan vuiliam a ni a, zangnadawmna an hmuh ngei theih nan hmalak tum a ni bawk.
