AAP chhuan, “Party dangte’n an policy leh an tihturte an sawi atangin Corruption do an tum thu an sawi vek a, mahse engtinnge an do anga, engtinnge hmalak an tum an sawi chianna kan hmulo a, intiamna engmah an siam theilo. Kan hriat theuh angin corruption hi ram hmasawn theih lohna bul ber leh ram in hma a sawn theih nana do ngei ngei ngai a ni. AAP Mizoram in Mizo mipuite kan tiam chu hmasawnna hnathawhna atang leh thil dang reng rengah Minister leh MLA ten eng percent mah kan la lo ang tih hi a ni.
“Tunhnaiah The Hindu chanchinbu in India ram state hrang hrang a zirna dinhmun a tarlante zingah Mizoram state chu a hniam berte zing ami a ni chu zahthlak kan ti hle a, Education changtute’n Zirna in Mizoram-ah hma a sawn tia an sawi thin dikloh zia nemnghettu a ni.
“AAP Mizoram chuan zirna siamtha turin hma a la zel dawn a, kum 2023 inthlan lo awm tur atan Mizo mipuite’n Mizoram-ah zirna tha kan neih ngei theih nan AAP min lo vote ngei turin kan sawm che u a ni.
“Tunhnaiah Sangau a zirlaite’n zirtirtu chungchangah nawrhna an huaihawt mai kha pawi kan ti hle a, zirlaite zawkin zirtirtu dila sawrkar an kar khan sawrkar in zirlaite zirna a ngaihsak loh zia a ti lang chiang em em a ni.
“Inthlan hnaih rualin zirna siamthat chungchang party dangte’n an aupui a, AAP Mizoram chuan lawmawm kan ti hle a, chutih rual in atak a thlen tir duh tak takna rilru pu turin kan ngen tak meuh meuh a ni,” an ti.
