Mizoram Pradesh Youth Congress Committee (MPYCC)chuan thuchhuah siamin, “Cabinet Minister leh Kolasib bialtu MLA ni bawk Pu K. Lalrinliana’n nimin July ni 12-a KVK, Kolasib ram theh tum chungchangah Mizoram Journalist Association, Kolasib District-te chu tan bik nei (bias)-ah a puh a, Kolasib-a Journalist-te chu an awmna party nen lam a hriat vek thu a sawi bakah, an awm na party hming ni awm-a a hriat te a sawi chhuak duh hial mai kha, mak kan tiin, pawi kan ti hle a, thudik leh thil dik duh a hmala tu Kolasib District Journalist-te thlavang hi MPYCC chuan kan hauh tlat a ni tih Kolasib bialtu MLA Pu K. Lalrinliana hi kan hriat tir bawk a ni.
“MPYCC chuan Mizoram in Minister leh MLA kan lo neih tawh te zingah, Mizoram Journalist ten thudik leh thil dik hai lang tur a hma an lak na kawngah, mawi lo leh dik lo taka tawng khum a sawichhe duh tu hi an awm kan la hre ngai lova, Kolasib bialtu MLA Pu K. Lalrinliana hian a tih loh tawp tur a tih bakah, KVK, Kolasib ram theh tum chungchangah hian dik lo taka thil tih tum a nei tih a ti lang chiang hle ah MPYCC chuan kan ngai bawk a ni.
“KVK, Kolasib ram theh tum chungchanga thil fel tawk lo awm ni a lang chungchang ah, Kolasib Journalist te hmalak na hi MPYCC chuan kan thlawp tlat a, mawi lo taka Mizoram in Journalist kan neih chhuanawm tak tak te mipui hma-a, Cabinet Minister leh Kolasib bialtu MLA nibawk Pu K. Lalrinliana’n a tawngkhum avang hian ngaihdam dil ngei turin kan phut bawk a ni,” tiin an tarlarng.
