Tuirial Link Road Commt. Sumsuih, YMA Sumsuih Branch, MUP leh MHIP Sumsuihte chuan thuchhuah siamin, “Improvement of Economic Road (RCC Pavement) in Aibawk Rural Cluster (Sumsuih to Tuirial) Rs.426.801 Lakh sênga KM 12 siam tur, Work Order Dt. 8th July, 2020-a chhuak, thla 12 (sawmpahnih) chhûnga thawh zawh tura tih chu kan Economic Road pawimawh a nih avanga kan lawm tehlul nen, thla 36 (sawmthum paruk) chhûngin KM 7.700m chauh la siam niin, hmabâk KM 4.300m la awma hna pawh thawh zawh hmâin a thawh tawh pawh a chhe nasa hle tawh mai hi pawisa senso hi a uiawm bâkah hnathawktu hian Sumsuih khua hi min hmusit hlê niin kan hria a, lungawi har kan ti tak zet a ni.
“R.T.I hmanga zawhna chhànna angin hê hna hi Phako Builders, O-30, Upper Khatla, Aizawl hnenah Restricted Tender-a pêk a ni a, a Contractor pawh hian vawi khat mah a la rawn tlawh lo te hi mak kan ti. Work Manager a awm hian 407 LPK Tripper 1 (pakhat) chiah inchhawp a, muang taka hna a thawh avanga kan thlai phurh chhuah theih loh ṭawih ral tam lutuk hi kan ui hle mai. Kawng Repair ngai zawng zawng hi ṭha taka a Repair leh nghal a nih loh chuan kan lung a dam thei lo a ni tih Zofate hriatah kan puang chhuak a ni.
“Tin, thawh hmabâk KM 4.300m pawh hi a rang lamaṭha taka thawk tawh ngei turin kan phût tlat a ni,” an ti.
