NGO Co-Ordination Committee hmalakna ‘Sakhaw Zalenna Humhalhna & Zohnahthlak Unaute Thlavang Hauhna Kawngzawh’ ti hlawhtlingtute chungah Congress party chuan lawmthu a sawi.
Vawiin ni 25 July, 2023 (Thawhlehni) ‘SAKHAW ZALENNA HUMHALHNA & ZOHNAHTHLAK UNAUTE THLAVANG HAUHNA KAWNGZAWH’ NGO Co-ordination Committee-in a rel tihlawhtlingtu Aizawl leh Mizoram hmun hrang hranga mipui zawng zawng chungah Congress Party chuan lawmthu sawiin, “Kan ram, kan hnam leh kan sakhua humhim tura theihtawpa tangho zel turin Mizoram mipuite Congress Party chuan a sawm a ni. Kawng zawha kal Mizoram mipuite leh awmhmuna support theihtawpa lo petu zawng zawng chungah Congress Party chuan lawmthu a sawi takzet a ni.
“Kan unau nekchepa awm mek Manipura mi te, Bangladesh a mi te leh Myanmar a mi te harsatna tawk te tan Congress Party chuan theihtawp a chhuah zel dawn a. Hemi kawnga hmalatute a thlawp zel dawn bawk a ni,” an ti.
