Aizawl Municipal Corporation Hmeichhe Corporator te chuan Central National Women Commission chairperson chu amah ngei Manipurah kal a, thil awmdan ngaihven turin an phut.
Vawiin khan AMC Hmeichhe Corporator te chuan state thenawm Manipur buaina a hmeichhe zahawmna tihbawrhban a ni thin leh kutthlak, pawngsual leh thah hial an tawk fo mai pawi an tih thu leh hriatthiam har an tih thu Central Women Commision Chairperson hnenah ziaka thlenin amah ngei Manipur ah kala thil awmdan ngaihven tur leh thilsual titute na taka hrem an nih ngei theihna tura hma la tura ngenna Mizoram Women Commission Chairperson kaltlangin an thawn a, Mizoram Women Commission Chairperson Pi Lawmchhungin an lehkha hi lo dawngin alo bawhzui dawn a ni.
Hmeichhe Corporator te hian Meitei mipa ten Naga hmeichhia an thah chhungte hnenah Manipur sorkarin cheng nuai 10 zangnadawmna pek leh vanduaina tawktu fanu kum a tlin huna sorkar hna pek a tiam anga tribal hmeichhe dang Meitei hovin rawng taka an thah te pawh zangnadawmna sawrkarin a pek an phut thu an tarlang a, tun hnuah North East hmeichhiate humhim an nih theihna tura hma la turin an ngen bawk.
