Mizoram Wrestling Association buatsaihin ni 27-29 September, 2023 chhung hian Kolasib ah Inter District Wrestling Championship neih a ni dawn a, Wrestling zir theihna tur Non Residential Coaching Camp a buatsaih dawn bawk.
Tun hnaiah MWA chuan Wrestler tha zawk chher chhuahna turin District Wrestling Association awm tawhna hmunah training a buatsaih chho mek zel a. Mizoram State Sport Council leh Mizoram Wrestling Association thawh dunna hnuaiah Non Residential Coaching Camp, MSSC Ramhlun Sport Complex, Wrestling Hall ah athlawn(free) a a duh a piangte tan Wrestling zirna a buatsaih dawn dawn a ni.
Wrestling zirna hi ni 1, August, 2023 atanga bul tan tur niin, tlai lam dar 3:30 atanga dar 5:00 inkar chhung Wrestling NIS, Pu F.Vanlalsiama coaching na hnuaiah zir tur a ni ang. Registration hi a zir duh a piangin a hmunah tih fel tur a ni ang.
Tin, Inter District Wrestling Championship, 2023 Kolasib-a neih turah Mizoram chhunga Wrestling lama tui mite chu tel vek tur leh, a hnaivai Wrestling Club-a inziak lut turin MWA chuan angen bawk a ni.
