Republic Veng Branch YMA chuan ni 27.3.2022(Pathianni) Chawhnu khan Burma buai avanga Mizoram a lo raltlan Aizawl a awm te tanpuina a hlan a ni.
Burma raltlan tanpuina hi YHAI, Luangmual ah leh Synod camping centre, Sihphir a awm te an hlan a. Tun dinhmun ah YHAI, Luangmual ah hian Burma MP, MLA leh an chhungkaw member te nen mi 51 an cheng mek a. Synod camping centre, Sihphir ah hian Burma sorkar hnathawk, police, nurse, firemen.etc te an awm a, an chhungkua zawng zawng nen mi 152 an cheng mek a ni.
Burma ram buai avanga harsatna tawk a Mizoram a lo raltlan te chu thlamuang tak leh hlim taka awm turin Republic Branch YMA chuan a duh a. Myanmar atanga ram buai avanga Mizoram a lo tlanlut zawng zawng ten harsatna an nei a nih chuan tu hnenah pawh hrilh hreh lo turin Republic Branch YMA chuan an chah bawk.
Republic Branch YMA chuan YHAI, Luangmual leh Synod camping centre, Sihphir ah hian tanpuina Rs. 10,000 ve ve a hlan a ni.
