Vawiin 17th August, 2023 hian India ram pawna Mizo hnathawk a awm, manganna tawk mekte hruai haw an nih theih nan, BJP Mizoram State Spokesperson Lalremsangi Fanai kaihhruai na in, harsatna tawk chhungten SP Aizawl-ah leh SP CID ah FIR thehluh a ni.
BJP Mizoram chuan, “India ram pawna hnathawk tur Mizo Thalaite tirh chhuah chungchangah an kalna tur ramdang Dan hriat tawklohna avanga bawhchhiatnate, ramdangte nunphung ziarang danglam bik avangte in Mizo zingah harsatna hrang hrang tawk an tam a, hengte hian Bharatya Janata Party Mizoram hotute hnenah puih theihna kawng dap pui turin an ngen a. India ram khua leh tui Zalenna ram, Mizo hnam-Mizo-na Nationalism, Kristian sakhuana Lal Isua zirtirna hnungzuiin BJP Spokesperson Lalremsangi Fanai kaihhruaina hnuaiah he Mission hi kalpuiin, Union Home Ministry, Embassy,Consulate,External Affairs Ministry te leh Mizoram Sorkar Official te biak an ni tawh a, a tul hmasa atan Mizoram State Police hnenah First Information Report (FIR) thehluh a, Private Employment Agency -Placement Agency zawng zawngte chhuichhuak a, tute nge dan bawhchhia tih hriat hmasak a tul ta a ni.
“Mizo Thalai ram pawna hnathawkte leh hnathawka kal tum ten harsatna an tawh fo loh nan, BJP Mizoram chuan Private Placement Policy kawng dik chu ngaih pawimawhah nei a. Hetianga harsatna tawkte mi engemawzat tanpuiin India ram leh ram pawn atangin a lo hruai haw tawh thin.Tuna harsatna tawk leh an chhungte pawh lungngai lo turin BJP Mizoram chuan kan chah duh bawk a ni,” an ti.
