Ni 17.8.2023 khan MNF Party hruaitute chuan MIMA Office tlawhin, MIMA hruaitute nen inpawh taka ti tihona an nei a ni. He hunah hian K Vanlalauva, Treasurer MNF Hqrs., Ex-Minister chuan hovin, MIMA OB leh Sumdawng pawl aiawh thahnem tak an tel. MIMA hruaitute chuan Chief Minister in Sumdawngte harsatna thlen thin a ngaihtuah sak thinah an lawm hle bakah Dr. Thangtea Minister, Commerce Industries dept. in Office tha tak sakna tur hmun a pein a chungah an lawm hle rualin, *Council Of Minister in Shop and Establishment Acts* Mizoram a hman a passed mai chu an duh lo hle a, Mizoram tan hman a that loh thu kawng hrang hrangin an lo thlena, hetiang thil serious ah chuan a victim te rawn thina sawiho thin a that thu leh he Acts hi engti zawng maha hman hi an tum loh thu an sawi bawk.
Nationalist Party an nih angin Mizoramah Rel a lo thleng zel dawn avang leh kawngpui lianpui pui ala thlur sung dawna, hetih huna mizo hnam himna leh economic assimilation laka Mizorama chengte venhim thlenga ngaihtuah lawk chungchangte an lo sawipui bawk.
Hemi hnu hian Mizorama bungrua phur Transporter hrang hrangte kokhawmin, an harsatnate leh thawhho dan turte sawikhawmin hun tha tak an hmang a. Transporters lam hian Khamrang leh Thingdawl bul kawng chhe lutuk chu siamthat ran dan Mizoram Sorkarah thlensak turin MIMA te an ngen a. He kawngchhia avang hian bungrua a thleng harin, tun ang reng anih chuan bungraw phurh pawh chawlh rih mai an duhthu MIMA hruaitute hnenah hian an thlen a. MIMA hruaitute chuan Pu Zoramthanga, Chief Minister, PWD changtu hnenah helai kawng siamtha tur hian ni 18.8.2023 ah an thlen nghal a ni.
Transporter ho hian Aizawl chhunga bungrua deliver hi zing dar 11 atanga 3pm chauh phalsak a ni a, traffic jam nasa nen an deliver zo hman thin lova. A hun hi dar 4pm thleng phalsak tura pui tura an ngenna chu, traffic SP hnenah thlensak an tiam bawk a ni.
MIMA Office a hman tur Mizoram Distributor Association(MIDA) in hot and cool water filter tha tak mai an pea, an chungah MIMA an lawm hle.
