PC Party chuan, “India hmarchhak state hrang hrangah BJP ten kua an hreuh zau tulh tulh lai leh Mizoram ah ngei pawh sum leh pai chakna hmanga a bu laizawl luah tuma nasa taka ṭan an khawhna hi PC Party chuan kan dodal tlat zel dawn a; Mizoram a Political Party hrang hrangte pawh BJP sum leh pai it a, an laka inbarh lut lo turin kan ngen a ni.
“Kumin kum tawpa MLA inthlanpui kan hmachhawn turah pawh hian Central a BJP ten Mizoram-ah Hindu Lal ram an tundin theih nan Political Party te sum leh pai hmanga lam ṭanga siam tumin theihtawp an rawn chhuah leh ngei dawn a; Party tin te BJP te hmalakna dodal ngam ṭheuh turin PC Party chuan kan ngen tak meuh a ni.
‘
“Kristiante chenna state Mizoram hi Hindu Lalna ram tundin nan engtikawng mahin PC Party chuan kan remti ngai dawn lo a, Zorama kristian mipuite BJP dodal puiah PC Party chuan kan sawm tak meuh a ni,” tiin thuchhuah an siam.
