Mizoram Lagislative Assembly pariatna thutkhawm vawi 12-na vawiina neih tanah, Food, Civil Supplies & Consumer Affairs Department changtu Minister K.Lalrinliana chuan Manipur Zohnahthlak raltlan chungchanga Lawmawma Tochhawng zawhna chhangin, “FCS&CA Department atang chuan Manipur Zohnahthlak raltlan tan buhfai 2797 qtls. pek an ni tawh a, FCS&CA Department atang chuan Manipur Zohnahthlak tan 2021 qtls. thawn chhoh a ni tawh a ni,” a ti.
Ramthanmawia MLA zawhna, “Covid hripuiin nasa takin min nuai a, khang hun lai khan State dang atangin pur kan chaw niin kan hria a, eng ang takin nge hmalak a nih?” chhangin FCS&CA Minister K.Lalrinliana chuan, “Covid hri a len laia ramri kan buai lai khan kan kawngte dan chah a ni a, heng hunah hian kan thenawm State Manipur atangin POL truck 12 leh LPG truck 11 phur October leh November, 2020 khan kan la lut. Kum 2021 July khan Tripura atangin POL truck trip 14 leh LPG truck trip 11 lak luh leh a ni,” a ti bawk.
