Vawiin ni 28.08.2023 Thawhtanni chawhma khan Mizo Hnam Run inkhawm neih a ni a. Thusawitu MNF Adviser & Minister Lalruatkima chuan MNF hi hnam thuthlung kengtu kan ni a, kan hnam himna a awm, a ti.
Lalruatkima chuan MNF sorkar thiltih tam tak leh hmachhawpte enin hmabak chhunzawm ngai tam tak a awm tih a sawi a. “Ram leh hnam himna kawngah pawh MNF hi sorkar lo se engtinge kan nationalism hi a awm ang? Hnam thuthlung kengtu kan ni a, kan hnam himna hi MNF-ah hian a awm,” a ti.
“Zofate rorelna pakhat hnuaia kan awm theihna turin Pu Laldenga hova hmalakna kha a la nung reng a. Hei hi kan hnam aiawhin ZORO-in an kalpui mek. Kan thenawm ramte en ila sakhaw dang hual vel kan ni a. Heng karah hian zofate kan him theihna turin zalenna sualtute chawi nunga tan kan lak a ngai,” a ti.
Congress sorkar laia tawrhnate sawiin, “Zu zawrh, kawng chhia, gas harsatna, lirthei chhiah tihsan, sikul tan hma avanga harsatna zawng zawngte kha kan theihnghilh zo ta em ni? MNF sorkar chuan khang harsatnate kha kan sukiang a. Hripui harsatna karah sum leh paia manganna namen lo kan tawk chungin mawhphurhna la ngam hruaitu kan nei,” a ti.
Ramri buai chungchangah: “MNF hi sorkar lo ta se, Assam lam chuan Vairengte chhak lam an rawn thut tawh mai thei. Assam nena ramri buainaah Pathian kan lama a tan tlat avangin hnehna kan chang,” a ti a. “Union budget an pharh khan ni danga kan la hriat ngai loh Mizoram pual – bamboo link road Rs vbc 100 leh bypass road Rs vbc 500 tur dah tel a ni. Hruaitu tha kan nei tih i hre nawn leh ang u.
“Hnam dang zawng zawngin kan hotupa an hmuh dan chu *peace symbol* a ni. India ramah peace symbol dang an awm ve lo. Bangladesh, Burma leh Manipura kan unaute hian Pu Zoramthanga hi pa ber enin an en thei. Sum leh pai harsatna karah a sing tel (refugee) kan mikhual thei a ni. Hruaitu tha kaihhruaina hnuaiah hma lamah beiseina nen kan kal zel a ni.”
Lalruatkima chuan Assam sorkarin duh hun huna min hrek loh nan buhfai kudam sak belh zel a nih bakah, Sarang Sihhmuiah oil depot dah tura indawr mek a nih thu te, tourism hmasawnna – tunhnaiah tourist nuai hnih chuang an lo luh thu te, thalaite tan sports policy bakah, foreign-a thawk turin training pek an nih thu te a sawi.
Bru avanga buaina awm thin chungchangah – kum 1997-ah Bru-ten autonomy an ngiat a, transit camp-a dah an nih dan leh Mizoram roll-a an awm tlat avangin inthlan dawn apiangin special polling booth siam a ngai thin tih a sawi a. “MNF a lo sorkar a, theitawpin hma kan la a. Kum 2023 inthlanah chuan special polling booth siam a ngai tawh lo ang. Tuikuk vanga kawngzawh a ngai tawh dawn lo,” a ti.
“MNF Sorkar hi kum hnih chhung kan khawngkhawbai a. Kan hmalakna chhunzawm turin kum nga dang kan sorkar leh ang. Khawthlang leh chhim lam bial 10 en ila Pathianin MNF tan kawng a lo sialsa vek mai. Hei hi kan hmuh dan mai a ni lo, party dang MLA-te pawhin an hmuh dan a ni,” a ti a. Assam Rifles chungchangah: “An chhuak hreh hle a, chhuanlam an siam nasa hle. Kan sorkar leh ngei ngei a ngai, party dang sorkar se an nawr chhuak loving,” a ti.
Party dangte dinhmun chungchangah, “Candidate an han set a, an buai em em a. Tling zo lo tura an ngaihte an thlak a. Damlo an awm leh dawn em tiin kan thlir,” a ti a. “Congress pawh an party senior-hoten bhavan an tlawh duh lo, an hotupa ber a dictator lutuk an ti,” a ti a. MNF Sorkar thar hmachhawp sawiin, “Hna lak a harsat laiin hnaruak 600 chuang hnawhkhahna tur finance lamin min phalsak vek tawh a ni,” Lalruatkima chuan a ti bawk.
Inkhawm hi BC Lalbiakngura, GS MNF Gen Hqrs-in a kaihruai a ni.
