Thawhtanni (Dt/28/August/2023) khan Kolasib District Driver’s & Welfare join Action Committee chuan Highway Kawngchhia te en in hun an hmang a. Bilkhawthlir kawng chhang tu Ratna company te pawh an office ah hmuh an ni a, Ahma lama Kawngchhia te lo hnawh a hma lo la tur in an ngen nghal a, anni hnen atang pawh in hmalak an tumthu an dawng a ni.
Sethawn leh Kawnpui inkar kawng pawh an tlawh a, helai kawng khawihtu Salawm Company te nen pawh inbia in, hna tha taka an thawh chhunzawm a lirthei khalhtute leh mipuiten harsatna awm lo a an tlan theih nan kawng te siam tha thuai turin an ngen bawk.
Kolasib District Driver’s & Welfare join Action Committee chuan, “Kan District chhung Sairang kawng pawh tlawh a ni a, hna thawktu te pawh in tha tak a kawngchhia te hnawh a, lirthei leh a khalh tute thlamuang taka an kal theihna tur a hma chak taka la turin kan hrilh nghal bawk a ni.
“Dt 28/08/2023 atang a Dt 31/08/2023 chhunga hmalakna in hmasawnna an neilo a nih chuan hna chakzawk a akal theih nan Kolasib District huamchhunga lirtheia eizawng tute leh lirthei neitu ten Highway (NH-6) hi siam that a nih hma loh chuan kawng zawh hrih tawh lo turin hmalak tum a ni,” an ti bawk.
