BJP Mizoram Pradesh chuan thuchhuah siamin, “Mizoram ah Politician tam tak kan awm tawh a, Politician tam zawk te chu Mipui hma a thutiam thiam tak, ataka hma la leh thei lo te annih thin avangin Mizoram mipuiin Politics kan hmelhriat dan a dik thei tawh lo chu pawi kan ti hle a, thutiama ding Political Party leh Politician te Mizoram in kan mamawh tawh a ni,” an ti.
Thuchhuahah chuan, “Kum 2018 inthlan dawn a Sorkar lai MNF ten Sikul thenkhat, Adhoc Grant in aid a puan tur a anlo tiam tawh tihpuitlin phut a, zirlai naupang ten an thil phut tihhlawhtlin anih na tur a ke meuhva Aizawl an kal hmuh khan rilru ati na tak zet a, Mizoram Politician te hian Politics hi infiamna emaw, fiamthu thawhna hmun emaw, Dawt sawina Plat-form emaw a kan ngai leh, duh duh sawi theihna hmun emaw kan ti hi pawi kan ti tak zet a ni. Mipui hma a kan thutiam tawh tihpuitlin hi Sorkar tha chuan a ken tel a ni a, mahni thutiam ti hlawhtling thei lo chu mi rintlak loh an ni. Inthlan a tlinna atan chauhva Campaign na hmanrua atana Mipui chaklohna lai kan hmang fo hian Mipui min zahloh zia leh Sorkar tha leh Manifesto tih pui tlin aia, Lalna leh Thuneihna nuam ti a, Politics khel ve mai mai chauh annih zia a ti lang chiang hle a ni. Tuna Sorkar lai leh MLA ni mek te ah pawh, Mipui rawngbawl tu annih hrelova, Lal ni ta a inngai an nih hlawm avangin, Bial hrang hrang mipui beisei anga hna thawk MLA sawi tur an vang hle a ni.
“Mizoram hi Kristian tam na, CM atanga Cabinet Minister te, MLA thlenga Kristian, kan nun dan ah erawh Krista hmel hmuh tur awm miah lo te kan nih hlawm avang in, kan rawngbawlna pawhin atawrh phah hle ah kan ngai a, Mizoram hi Mizo te ta anih avangin keini BJP Mizoram te chuan dik tak leh fel takin rorelna kan kalpui dawn a, Krista ram ti zau turin Sorkar tha kan mamawh tih hrechungin Mipui Sorkar, Mipui hnena kan intiamna, 2023 Manifesto tipuitling tur leh Mizoram retheihna sal ata khaichhuah hna thawk turin MLA General Election lo awm tur ah pawh nasa takin hma kan la zel dawn a, Kan rilru min tawm pui thei leh retheihna sala tang mek mahni a dinchhuah ngaihna hrelo te chuan BJP min rawn zawm zel turin BJP Mizoram chuan kan sawm che u a ni,” an ti bawk.
