Lirthei neitu pawl hrang hrangte kalkhawmna, Joint Action Committee chuan vawiin khan Aizawl Press Club-ah chanchinthar lakhawmtute kawmin, “Kan hriat theuh angin kan ram in ei leh bar kan lakluhna kawng hnukpui ber Vairengte-Sairang inkar kawng te hi motor lian rit phur tan zawh a hrehawmin hun rei tak atang khan a lo chhe tawh a, sawrkar in a siamthat leh mai beiseiin hrehawm chung chungin kan lo zawh hram hram reng a, motor thenkhatte chu an tlu nual tawh a, kawng chhiat avangin kan motor thenkhatte chu a hmun ah chhiain zankhua a traffic a jam tum pawh a tam hle tawh a, kan driver thenkhat phei chu tlan tha ngam tawh loin, khaw that lai te chuhin an ding tawp bawk a, pawl ah te lo thlen in, pawl hruaitu ten Chief Minister hnenah pawh thlen tumin appointment te kan dil a, kan hlawhtlin mai loh avangin ziakin hun tiam te siamin chak zawka hma min laksak tur leh, hmalakna a awm loh chuan kan din mai a ngaih tur te ziakin kan thlen a, chu pawh chu awmzia a awm tawh loh avangin, kan kawng dinhmun te enfiah turin pawl hruaitu te ni 2.10.2023 khan an fehchhuaka, hmalakna chu han awm ve mahse kan mamawh phuhru tur khawpa kan ngaih loh avangin Joint Committee ko in ni 4.10.2023 khan uluk takin Joint Committee chuan a ngaihtuah a kawngpui hi motor kan tlan reng chuan hnawhthat/siamthat hman ni dawnin kan hre lo a, hnawha siamthat anih loh chuan tlan zelna tlak niin kan hre lo a. Sawrkar in chak zawka a siam theih nan ni 9.10.23 zing dar 7:00 am atang chuan tlan tlaka siamthat anih hma chu Maxi Cab atanga a lian ber thleng in, passenger phur te pawh tiamin, Vairengte – Sairang inkar hi zawh rih loh tha kan ti a.
“Hei bak ah hian Kawlkulh – Hliappui hi kan unau Manipur lama awmte chakkhai kan phurh chhoh na ber kawng anih avangin kawngpui pawh hi a chhe chak em em a, tun dinhmun ah chuan tluk hlauhawm a tam em avangin tlan zelna na tlakah kan ngai lo a, thawmthat anih thuai theih nan Ni 9.10.23 zing 7:00 am atang hian tlantlaka thawmthat anih hma chu zawh rih loh mai hi tha kan ti ta a ni.
“Hetia Joint Action Committee in hma a la ta mai hi mipui ten min lo hrethiam a, kan zavai atana tha turin ke kan pen tih min lo hriatsak a min lo thlawp tlat turin kan ngen nghal a che u. Heng hmalakna te hi Party tin ten mahni hamthat nana min lo hmansak lo hram turin kan ngen a che u,” an ti bawk.
Joint Action Committee a Pawl telte:
1. Mizoram Truck Owners’ Association 2. Mizoram Truck Drivers’ Association
3. Mizoram Tipper Owners’ & Drivers Association
4. Mizoram Oil Tanker Driver Association
(MTOA)
(MTDA) (MTA)
(MOTDA)
5. Kolasib District Drivers Welfare Joint Action Committee (KDDWJAC)
