Nimin Dt.4th October 2023 Wednesday tlailam Dar 5:00 (pm) khan BJP National Kisan Morcha President Pu RajKumar Chahar (MP) leh Dr. Shambhu Kumar, BJP National Kisan Morcha General Secretary te’n BJP State Office ah State President Pu Vanlalhmuaka leh BJP worker-te nen inkhawmna hun ṭha tak neih a ni a, inkhawm hi Pu Stephen Laltawnliana Fanai, State Kisan Morcha Vice President-in a kaihruai a, Pu Lalrintluanga, State Kisan Morcha President chuan anmahni lawmna thu a sawi bawk.
Pu Rajkumar Chahar chuan thusawiin, “PM Kisan kalpui a nih dan te, loneitute puihna KCC kalpui a nih dante, loneitute leh Kuthnathawktute pension scheme Pu Modi-a’n a siam chu kalpui a nih dan te, PM Ayushman Bharat kalpui a nih dan te, PM UJJWALA free gas connection kalpui a nih dan te, PM Schemes kaltlanga Agriculture lama infrastructure tih hmasawnna tur ataka kalpui a nih dan te bakah PM Schemes hrang hrang kalpui a nih danah Mizoram chuan a ti ṭha lo hle a, PM Schemes ṭha taka kalpui a nih loh avang hian, Mizorama mi retheite, kuthnathawktute leh loneitute’n an tawrh phah nasa hle a ni,” a ti.
Pu Rajkumar Chahar chuan, “MLA General Election lo awm tur ah Mizoram ah BJP Sorkarna a awm ngei theihna turin State President Pu Vanlalhmuaka hoin hma kan la dawn a, Kuthnathawktu te’n Mizorama harsatna hrang hrang an neih hi Delhi tlangah ka thlen anga, Mizoram a Kuthnathawktute harsatna sutkian a nihna turin hma ka la dawn a ni,” a ti a.
Pu Chahar chuan sawi chhunzawmin, “Sawrkar laipui chuan aieng chingtute tan chanchin lawmawm tak a duan thar a, Mizoramah hian aieng chingtute ṭhanhnem tak kan awm a, Mizoram pawh hi Northeast states zinga aieng sawngbawlna hmunpui leh product export-na hmunpui awm theihna tur a ni dawn a, Kuthnathawktute kaltlanga economy tih hmasawn hi Pu Modi-a kaihhruai sawrkar tum lian berte zinga mi a ni a, Central blessing hi a taka Mizoram hian hmu ve ngei turin ka duhsak che u a ni. Central-a Congress leh party dang sorkar lai chuan India hmarchhak ram hi duhsak an ni ngai lo a, Pu Modi-a kaihhruai sorkar chuan India hmarchhak state-te aṭangin India hmasawnna hna chu a in ṭan tur a ni, tia a sawi chu a taka kalpuiin, Infrastructure development lamah te, Education ah te, Health lamah te, Agriculture leh Allied Sector lamah te nasa takin hma lak a ni a, hmasawnna chu a takin Pu Modi-a sorkar hnuaiah a thleng mek a. Central Blessing tak tak a taka Mizoram mipuiten in dawn theihna turin Kumin MLA General Election lo awm tur ah Mizoram hmalam hun ngaihtuah chunga BJP vote ṭheuh turin Mizoram mipuite ka ngen che u a ni,” a ti bawk.
