Vawiin ni 9.10.2023(Thawhtanni) khan Manipura Zofa pawl hrang hrang khaikhawm tura din, Zo United hruaitute chu Central YMA Office ah lengin an hmalak dan te CYMA hruaitute an sawipui.
Central YMA hian Manipur tualchhung buaina a Zo United hmalakna atan Rs.20,00,000/- an hlan a, Pu Albert Renthlei, Convener, Zo United in a dawng.
Zo United hruaitute hian Manipur tualchhung buaina avanga Zofaten harsatna an tawh chungchangah Zo United in hma an lak chhoh mek dan te an tarlang a, Zofa pawl hrang hrang te lungrual taka an kal thu leh inpumkhat zelna tura theihtawp an chhuah thu an sawi.
Central YMA President Pu R. Lalngheta chuan Zo United hmalak chhoh dan leh Manipura Zofa unaute zingah inpumkhatna a awm zel avanga lawmawm a tih thu a sawi a. Central YMA chuan tanpui an ngaihna apiangah theihtawp an chhuah zel tur thu a sawi.
