MPCC Vice President Lalnunmawia Chuaungo chuan, “Congress Party chuan 5 October, 2023 khan Mizoram Maxicab Association, Aizawl City Bus Owner’s Association leh Two-Wheeler Taxi Association te nen hmaichhana inbiangbiakna neiin ‘Inremna Thuthlung’ a lo siampui tawh a. Congress party chuan commercial vehicle hmanga eizawngtute tan ‘Tang puihna’ a chhawpchhuah sak ngei dawn a ni,” a ti.
Lalnunmawia Chuaungo chuan, “Mizoram sorkar hnuaia heng association hrang hrang tena harsatna an tawh te chinfel ngei tum a ni dawn a ni. Mizoram Maxi Cab te permit One Time Replacement ang te chu Congress a sorkar chuan ennawn a ni ang a. All Mizoram permit tihtawp chu ennawn a ni bawk ang a, a duh te tan chauh All Mizoram permit pek a ni ang.
“Lirthei company thlan bik nei lovin MVI-in Public Service atana rin ngam nia a ngaih company dang dang siam lirthei hrang hrang te chu Maxi Cab atana hman theih turin hmalak a ni ang.
“Kan transport vehicles te nitin chetvelnaa a lova awm theihloh tena dinna (Terminal/Stand) chungchanga harstana an tawh mek te pawh Congress a sorkar chuan ngaihtuahsak nghal an ni dawn a.
“Commercial vehicles tena ‘Over-load’ chungchanga harsatna an tawh avanga lirthei neitute man leh pawisa chawitir thin te pawh tha taka dan zam chunga awlsam zawka tihsak an nih theih nan dan kan ennawn bawk ang.
“Aizawl City bus permit vawikhat chauh Replacement theih ang tih chu Congress party a sorkar chuan tihtawp a ni ang tiin 5 October 2023 a inremna siamah tarlan a lo ni tawh a.
“Hei bakah hian Aizawl City Bus tana “Wheel-Base” 3400mm – 3600mm chungchanga harsatna tawh mek chu Congress party a sorkar a nih chuan sorkar dan dinglai angin 25 seater a nih chuan motor eng company pawh an hman theihna tura ruahmanna siam a ni ang.
“Aizawl City Bus ten an zin dawn apianga Special Road permit an lak ngei ngai thin chu a duh zawk te tan Speical Road permit awlsam zawka lak chhuah theih turin ruahman a ni ang. Aizawl khawpui chhung atan terminal hmun thumah changtlung tak siam a ni ang.
“Aizawl khawpuia Two-wheeler Taxi permit chu sorkar mekin intam chhuah vek khawpin a pe chhuak hnem a, intlan chhawk avangin an tuar nasa a. Intlanchhawk hi sorkar in a tul a ti a nih pawhin sorkar leh mimal two-wheeler te chauh intlanchhawk a nih theih nan ruahmanna siam a ni ang.
“Khawpui chungah dinna mumal leh hmun remchang sorkarin an awmna Municipal Corporation nena thawk hovin a buatsaih sak ang.
“Lirthei Pollution Test-na pawh lirthei neitute tana awlsamna zawnsakin Oil Depot remchangah dah tura hmalak a ni bawk ang a. Lirthei company thlan bik nei lovin MVI-in Public Service atana rin ngam nia a ngaih company dang dang siam lirthei hrang hrang te chu Maxi Cab atana hman theih turin hmalak a ni ang.
“Insurance chungchangah lirthei neitute tana awlsam zawk leh rang zawka service pek a nih theih nan Mizorama Insurance Company tena Regional Office an neih ngei theih nan hmalak a ni bawk ang a. Lirthei inlei leh hralha hming thlak muang leh buaithlak, fee sang bawk si chu siamthat a ni ang,” a ti bawk.
