Kolasib April 1 : District Magistrate Kolasib District chuan KTP General Conference, 2022 neih turah RAgT hmanga Covid-19 test chungchangah a hnuaia mi ang hian thuchhuah a siam.
KTP General Conference, 2022 neih tura Covid-19 inkaihhruaina tihchhuaha test neih tur tih chu, Covid-19 dinhmun a tlakhniam avang leh sorkarin inkaihhruaina a thlahdul zel tak avangin, inkhawmpuina a tel turte RAgT hmanga Covid-19 test neih chu tul lova hriat a ni. Chuvangin, He office vide order dated 28.3.2022 Para A.(2)-(5) chu paih ni.
Hmai tumna (face mask) hman, kut tihfai that leh Covid Appropriate Behaviour (CAB) dangte erawh tha taka zawm tur a ni ang.
Inkhawmpui hun dawn hnaihah Covid-19 dinhmun a zirin test neih chungchang chu ngaihtuah that leh a ni ang.
