Governor Dr. Hari Babu Kambhampati chuan vawiin khan Woodland Hills, Zonuamah Nursing College, RIPANS in BSc zirlaite puala Graduation leh Lamp Lighting vawi 23-na a buatsaih chu a hmanpui.
Governor Dr Hari Babu Kambhampati chuan eizawnna satliah mai ni lo, rawngbawlna leh hna zahawm nikawp, Nurse zirna bultanna atana khawnvar chhi a, thutiam la thar te chu a lawmpui tih a sawi hmasa a. BSc Nursing zirchhuak thar te pawh an hna thawhna turah leh an kal zel na turah duhsakna a hlan nghal bawk a ni.
Nursing leh healthcare service chidangah te India hmarchhak thalai ten talent ropui tak an nei bik nia sawi a nih thin thu a sawi a. A bikin takin Mizo Nurse te chu India ram hmun hrang hrangah pawh fak hlawh ber pawl an ni tih a sawi. Governor chuan Mizo Nurse zirchhuak zingah India ram pawnah hnathawk an pung zel chu lawmawm a tih thu sawiin RIPANS chu hemi kawngah hian Nursing institution dangte tluk loh a ni mek a; placements records duhawm tak a nei mek a ni a ti. He hunah hian Governor chuan RIPANS hotute fakin India hmarchhak bikah phei chuan healthcare sector bikah RIPANS chuan hna ropui tak a thawk a ni a ti bawk.
Programme hi lawmthu sawina leh RIPANS hnathawh dan tlangpui tarlanna neiin Prof Sanjay D Sawant, Director, RIPANS chuan nei hmasa in tan a ni a. Hemi hnuaah hian First Semester chuan Lamp Lighting & Oath an nei nghal a. Pi C. Thankhumi, Nursing Superintendent, Synod Hospital chuan he hunbik hi a kaihruai a ni. Nursing College, RIPANS chungchang bikah Pi Lalfamkimi, Principal chuan report tawi a pe a. Hemi hnu hian citation leh proficiency award sem chhunzawm nghal a ni. Nursing Graduate te chuan Prof Sanjay D Sawant, Director, RIPANS hnen atangin citations an dawng a. Zirlai tithazual te chuan Governor Dr Hari Babu Kambhampati hnen atangin proficiency awards an dawng thung. Programme hi Pi Laldinpuii Sailo, Convener, Organising Committee chuan lawmthu sawiin a titawp a ni.
