Vawiin October 23, 2023 (Thawhtanni) hian ZPM chhung inkhawm neih a ni a. He hun hi Pu Rosiamhnuna, President, Upa Committee ZPM General Headquarters -in a kaihruai a, F. Rodingliana, Consultant chuan thusawiin, lawmluhte atangin thusawi ngaihthlak a ni bawk.
Pu F. Rodingliana chuan, “Kan sawrkarin power a sum a indaih loh chhan hi chhui chian deuh a ngaiin ka hria a, kum 2018-2019 chung chauh kha han en ta ila. Mizoram kan siam chhuah ve leh Tuirial HP a tanga 12% kan chan nen man lo a kan hmuh ringawt hi cheng 7,16,84,68,800.00 ania hei bakah hian mipuiin Electric bill kan chhunkhawm cheng 1,67,26,20,000.00 vel a ni a, a vaia hemi kuma sawrkarin sum hmuh cheng 88,41,08,880.00 lai a ni a. Hei bakah hian kan Budget atang leh state in cheng tam tamin a la pui bawk si a, heti chung hian mipuiah a man an ti to telh telh zawk hi mipui min hrilhfiah kan phut a ni,” a ti a.
India Energy Excange (IEX) atanga kan power lei dan han en ila-
1. Kopili Hp – ₹ 1.09 per unit
2. Kopili 11 Hp – ₹ 1.29 per unit
3. Khandong Hp – ₹ 1.67 per unit
4. Ranganadi Hp – ₹ 1.96 per unit
5 Talcher STPS. – ₹ 2.48 per unit
6. AGTPP – ₹ 2.83 per unit
7. Farakka STPS ₹ 3.90 per unit
8. Khalgaon STPS – ₹ 3.58 per unit
9. Loktak HEP – ₹ 3.20 per unit
10. B Mura – ₹ 3.10 per unit
11. B Mura – ₹ 3.10 per unit
Heng te hi Kan sorkhar in power a leina tlangpui a ni a. Kan lei to na ber chu Bonggaigaon a ni a ₹ 7.18 per unit-in kan lei a, an lei na to ber mil hian Mipuiah min bill ta em ni ? Eng vang in nge 7.94 a min bill tih hi kei ni ang mipui nawlpui tan chuan hriatthiam a har hle a ni. Heng bakah hian sawrkarin kumtin Budget -ah Vbc za tel a pe kum tin bawk si a kei ni ZPM chuan ngun taka kan en hian mipuiah tihpun ngaiin kan hre lo a ni. Tun ah hian Hydro power a tang in MW 11.5 bakah kan neih sa 29.35MW a vaiin 40.85 vel hi kan thar ve tawh niin a lang a, hei bakah Vankal Solar Plant atangin 20 MW kan thar tawh hnu hian mipui hian Electric bill hi kan chawi tam tual tual a, kan leina in to lam a pan mang si lo a kan thar chhuah lah a tam tual lai a, kum tin mipui min chawi tam tir hi mipui tan chuan hriat thiam hi a har a ni. Sawrkar hian mipui hi Electric bill hmang hian Sum siam nan min hmang zawk em ni tih hi awl tak a ni,” a ti bawk.
ZPM Consultant chuan, “ZPM chuan kan hmalakna tur kan chiang a, hengahte hian hma chak takin kan la dawn a ni –
1. Tlawnglui phase (1) 54 Mw Lungleng rama kan khuah tum hi power siam na mai bakah Aizawl khawpui in Tui thianghlim kan neih thei nant e, Khualzin hip nan leh Sanghakhawi nan a rem chang em em a ni.
2. Matlui 70 Mw
3. Tuichang Phase 1 Thiltlang bul ah 24 MW leh phase (2) 52 Mw
4. Tuivai phase 1 ngopa bul ah 100 MW. Tuivai hi chu kan state sum hnar tur a ni a, a tui a tam a 210 MW hi chu Feature project atan kan ti dawn a ni.
Kum 5 chhung hi chuan kan state mamawh hi hi thar chuah hman ngei kan tum a ni,” a ti a. “Damlohna avangin Aizawl, Lunglei etc kan pan lo thei lo fo thin a, nunna hlu tak kan chan fo thin. Kan dinhmun harsat avangin bialtu MLA kan pur lo thei lo thin a, ZPM chuan ruang phurh nan motor hire-na rate chu sawrkar rate awmsa hmangin khawtlang hruaitu YMA/khawchuak welfare-ten lo buaipuiin sawrkar ruahmanna ang in MLA tibuai lo in awlsam takin annin an lo chingfel tawh dawn a ni,” a ti bawk.
He hunah hian Pu Lalliansawta, President chuan mi thar lawmluhna hun a hmang a, mi thar duhawm tak tak 67 a lawm lut a, October 16th- 22nd, 2013 chhûnga Bial hrang hranga mi lawm luh – 5860 kan nei bawk.
